ބޭސް ކުންފުނީގެ މަސައްކަތް އެއްކޮށް ފަށަން އަދި ހަތަރު މަސް ނަގާނެ: ޝާހު
ސަން
8 އޮކްޓޯބަރު 2025 | ބުދަ | 4:25
ރާއްޖެއަށް ބޭސް އެތެރެކުރުމަށްޓަކައި ސަރުކާރުން އުފެއްދި ސްޓޭޓް ފާމަސޫޓިކަލް އެންޑް މެޑިކަލް ސަޕްލައިސް ކުންފުނީގެ މަސައްކަތް ފަށަން އަދި ގާތްގަނޑަކަށް ހަތަރު މަސް ނަގާނެ ކަމަށް، އެ ކުންފުނީގެ މެނޭޖިން ޑިރެކްޓަރު ޑރ. ޝާހު މާހިރު މިއަދު ވިދާޅުވެއްޖެއެވެ.
އެ ކުންފުނީގެ މަސައްކަތް މުޅިން ފެށޭނީ ކިހާ ދުވަހަކުންތޯ 'ސަން'އިން ކުރި ސުވާލަށް ޖަވާބުދެއްވަމުން ޝާހު ވިދާޅުވީ، މި ވަގުތު ބޭސް އެތެރެކުރަމުން އަންނަ ސަރުކާރުގެ ވިޔަފާރި ކުންފުނި އެސްޓީއޯގެ ދަށުން ބޭސް ކުންފުންޏަށް ހުރިހާ މަސައްކަތެއް ބަދަލުކުރުމަށް ވަގުތު ނަގާނެ ކަމަށާއި، މި ވަގުތު ކުރިއަށް ދަނީ އެ މަސައްކަތުގެ ފުރަތަމަ ފިޔަވަހި ކަމަށެވެ.
"[މިވަގުތު މި ކުރަނީ] ކުންފުނި ރަޖިސްޓާކޮށް ކުންފުންޏަށް މީހުން ހަޔާކުރުމާއި ރެގިއުލޭޝަންސްތައް ހެދުމާއި، ބޭހާ ބެހޭ އިޝޫގައި ދިމާވާ ބޮޓްލްނެކްސްތައް ރަނގަޅުކުރެވޭނެ ގޮތަކާއި އެވެއިލެބަލް ބޭސް ލިބުން ފަސޭހަވާނެ ގޮތެއް،" ޝާހު ވިދާޅުވިއެވެ.