ނައިބު ރައީސްގެ އެދިވަޑައިގަތުމެއް: 'ގައުމުތަކުގައި ރާއްޖެ ތަމުސީލުކުރާއިރު، ގައުމުގެ ޝަރަފު ދަމަހައްޓަވާ'
ސަން
9 އޮކްޓޯބަރު 2025 | ބުރާސްފަތި | 4:22
ބޭރު ގައުމުތަކުގައި ދިވެހިރާއްޖެ ތަމުސީލުކުރާއިރު، ގައުމުގެ ޝަރަފާއި ރީތި ނަން ދެމެހެއްޓުމަށް ކުޅުންތެރިންގެ ކިބައިން ނައިބު ރައީސް ހުސައިން މުޙައްމަދު ލަތީފް މިއަދު އެދިވަޑައިގެންފިއެވެ.
ގައުމީ ސީނިއާ ވޮލީބޯޅަ ޓީމު އިއުލާނުކުރުމަށް ސޯޝަލް ސެންޓަރުގައި ބޭއްވި ހަފުލާގައި ނައިބު ރައީސް ވިދާޅުވީ، ދިވެހި ޤައުމީ ޓީމުތަކުން ކުޅިވަރުގައި ހޯދާ ކާމިޔާބީއަށް ރައްޔިތުން ފަޚުވެރިވާ ކަމަށެވެ. ވޮލީބޯޅަ ޓީމު ވެސް މުބާރާތުގެ ތަށި ހޯދުމުގެ އުންމީދުގައި ކުޅުމަށް ނައިބު ރައީސް ވަނީ އެދިވަޑައިގެންފައެވެ.
ވޮލީއަކީ، ރާއްޖޭގައި މިހާރު ކާމިޔާބާއި ކުރިއެރުން ހޯދަމުން އަންނަ ކުޅިވަރެއްކަން ފާހަގަކުރައްވައި، ހުސައިން ވިދާޅުވީ، ސަރުކާރުން ރާއްޖޭގައި ވޮލީ ކުރިއެރުވުމަށް މަސައްކަތް ކުރާ ކަމަށެވެ.