މަޝްހޫރު ހޯސްޓު ނާއްޕެގެ ބަންދަށް 5 ދުވަސް، ބާކީ 3 މީހުންގެ ބަންދަށް 10 ދުވަސް އިތުރުކޮށްފި
ސަން
10 އޮކްޓޯބަރު 2025 | ހުކުރު | 6:51
ބައިބަލާ މުބާރާތްތައް ހޯސްޓުކުރުމަށް މަޝްހޫރު ނާފިއު ރަޝީދު (ނާއްޕެ)ގެ ބަންދަށް އިތުރު ފަސް ދުވަސް އިއްޔެ ޖަހައިފިއެވެ.
ކުޑަކުދިންތަކެއް އެކްސްޕޮލައިޓު ކުރުމުގެ ތުހުމަތުގައި ނާއްޕެ ހިމެނޭހެން ހަތަރު މީހުން މާލެއިން ހައްޔަރުކުރީ މިދިޔަ ހޯމަ ދުވަހެވެ. އެއީ، ނާއްޕެއާއި އަލީ އަޝްރަފް (35އ)/މ އެތުމާ، ލުހާން ސަޢީދު (41އ)/ޕެރިސް ގދ. ވާދޫ، އަދި އިބްރާހިމް ޝިނާން އަހުމަދު (33އ) ހ. ފިނިކުރިއެވެ.
އޭގެ ތެރެއިން ޝިނާނަކީ އެޓާނީ ޖެނެރަލްގެ އޮފީހުގައި ކުރިން މަސައްކަތްކުރެއްވި ގާނޫނީ ވަކީލެއްކަން 'ސަން'އަށް ވަނީ އެނގިފައެވެ. އެނގިފައިވާ ގޮތުގައި އޭނާ ވަނީ 2023 ވަނަ އަހަރު އެ އޮފީހުން ވަކިވެފައެވެ. އަދި މިހާރު ހުރީ ދައުލަތުގެ މީޑިއާ ޕީއެސްއެމްގެ ވަކީލެއްގެ މަގާމުގައެެވެ.