15 އަހަރަށް ފަހު، މާލެ ސަރަހައްދުގެ ދަރިވަރުންނަށް ކޭމްޕު ކުރާނެ ސަރަހައްދެއް
ސަން
11 އޮކްޓޯބަރު 2025 | ހޮނިހިރު | 10:46
ފަނަރަ އަހަރަށް ފަހު، މާލެ ސަރަހައްދުގެ ދަރިވަރުން ކޭމްޕު ކުރާނެ ސަރަހައްދެއް ހަމަޖައްސައި، މިއަދު އެ ތަން ހުޅުވައިފިއެވެ.
ކްރޮސްރޯޑްސްގައި އޮންނަ މި ސަރަހައްދު ހުޅުވައިދެއްވީ، ރައީސް ޑރ. މުޙައްމަދު މުއިއްޒެވެ.
މި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވީ، މާލެ ސަރަހައްދުގެ ދަރިވަރުންނަށް ކޭމްޕިން ގްރައުންޑެއް ނެތި 15 އަހަރު ވެއްޖެ ކަމަށެވެ. ދަރިވަރުންނަށް އެކި ހުނަރުތަކާއި ގާބިލުކަން ލިބިފައިވާކަން ކަށަވަރުކުރުމަށް، ކެޑޭޓާއި ސްކައުޓާއި ގާލްގައިޑަކީ މުހިންމު ހަރަކާތްތައް ކަމަށް ރައީސް ގަބޫލުކުރައްވާ ކަމަށް މިނިސްޓަރު ވިދާޅުވިއެވެ.