ތަރައްގީގެ މަޝްރޫއުތައް ނިންމުމަށް ބޭނުންވާ ބޮޑުހިލައިގެ ތެރެއިން ބައިލައްކަ ޓަނުގެ ޝިޕްމަންޓް ރާއްޖެ ގެނެސްފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ން މިއަދު ބުނެފިއެވެ.

އެމްޓީސީސީން ބުނީ، އެކި ރަށްރަށުގައި އުމްރާނީ ތަރައްގީގެ މަޝްރޫއުތައް ނުހުއްޓި ކުރިއަށް ގެންދިއުމަށްޓަކައި އެ ކުންފުންޏާ ސަރުކާރުން ހަވާލުކުރި މަޝްރޫއުތަކަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް މިދިޔަ ހުކުރު ދުވަހު ލިބިފައިވާ ކަމަށާއި، އެ ޝިޕްމަންޓްގައި 56،450 ޓަނުގެ ބޮޑުހިލަ ރާއްޖެ އެތެރެކުރެވިފައިވާ ކަމަށެވެ.

މި އަހަރު ނިމުމުގެ ކުރިން 2.5 މިލިއަން ޓަނުގެ ބޮޑުހިލަ ރާއްޖެ ގެނައުމުގެ މަސައްކަތް ކުރަމުން އަންނަ ކަމަށް އެ ކުންފުނިން މައުލޫމާތު ދެއެވެ. އެއީ، ސަރުކާރުން އެ ކުންފުންޏާ ހަވާލުކުރި މަޝްރޫއުތަކަށް ބޭނުންވާ ބޮޑުހިލައިގެ އަދަދު ކަމަށް ވެސް އެމްޓީސީސީން ބުންޏެވެ.

މައުޟޫޢުތަށް