މިނިވަން މުއައްސަސާތަކާއި ކުންފުނިތަކުގެ އިސްވެރިން މާލީ ބަޔާން ހުށަހަޅަން ލާޒިމުކުރާ އިސްލާހު ބަލައިގެންފި
ސަން
13 އޮކްޓޯބަރު 2025 | ހޯމަ | 3:55
މިނިވަން މުސްތަގިއްލު މަގާމުތަކާއި ކޮމިޝަންތަކުގެ މެންބަރުންނާއި ސަރުކާރު ހިއްސާވާ ކުންފުނިތަކުގެ އިސް ބޭފުޅުން ވެސް މަޤާމުތަކާ ހަވާލުވާތާ އަހަރެއް ފަހުން މާލީ ބަޔާން ހުށަހަޅަންޖެހޭ ގޮތް ހެދުމަށް ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) ހުށަހެޅުއްވި އިސްލާހުތައް ބަލައިގަނެ, ދިރާސާކުރަން މާލިއްޔަތު ކޮމިޓީއަށް މިއަދު ފޮނުވައިފިއެވެ.
ވަކިވަކިން ކުޑޫ ހުށަހެޅުއްވި އިސްލާހުތައް ބަލައިގަނެ މާލިއްޔަތު ކޮމިޓީއަށް އެ އިސްލާހުތައް ދިރާސާކުރަން ފޮނުވާލީ ވޯޓުގައި ބައިވެރިވި 50 މެންބަރުންގެ އިއްތިފާގުންނެވެ.
މެންބަރު ވަކިވަކިން މި އިސްލާހުތައް ހުށަހެޅުއްވި ސަބަބެއް ކަމަށް ވިދާޅުވީ، މިނިވަން މުސްތަގިއްލު ކޮމިޝަންތަކުގެ މެންބަރުންނާއި އިސް މަޤާމުތައް ފުރުއްވަވާ ބޭފުޅުންގެ މުދަލާއި ފައިސާގެ ބަޔާން ހާމަކުރުން ލާޒިމުކޮށްފައިނުވާތީ، އެ ބޭފުޅުން ވެސް ޖަވާބުދާރީކުރެވޭނެ އުސޫލެއް ގާއިމުކުރުމަށެވެ.