ކޮޅުވެއްޓި ބަންޑުން ޖަހާލުން: މަރުވީ ދިވެއްސެއް، ނުފެންނަނީ ދެ ބިދޭސީން
ސަން
16 އޮކްޓޯބަރު 2025 | ބުރާސްފަތި | 12:26
މާލެއިން ފުރައިގެން ކ. އެރިޔަދޫއަށް ދަތުރުކުރަމުން ދިޔަ "އަލްމާކް ފިޔަ" ކިޔާ ކޮޅުވެއްޓިއެއް ރޭ ދަންވަރު ބަންޑުން ޖަހާލި ހާދިސާގައި މަރުވީ ދިވެއްސެއް ކަމަށް ފުލުހުން މިއަދު ބުނެފިއެވެ.
ފުލުހުން ބުނީ، އެ ހާދިސާގައި މަރުވީ، ގއ. ދާންދޫ، ސަރުސޫނުގެ، 38 އަހަރުގެ އަހުމަދު ޝިފާން ކަމަށެވެ. އަދި، ގެއްލިގެން މިހާރު ހޯދަނީ ސްރީލަންކާ މީހަކާއި އިންޑިއާ މީހެއް ކަމަށް ފުލުހުން ބުންޏެވެ.
އެމްއެންޑީއެފުން އެންމެ ފުރަތަމަ ގެއްލިގެން ހޯދަން ފެށި، ޝިފާން ހިމެނޭ ގޮތަށް ޖުމުލަ ތިން މީހުންނެވެ. އެގޮތުން، އެމްއެންޑީއެފްގެ ކޯސްޓުގާޑު ޑައިވަރުންނަށް ޝިފާން ފެނުނީ ކަނޑު އަޑިން ކަމަށް އެމްއެންޑީއެފުން ބުންޏެވެ. އޭނާ ފެނުނީ މަރުވެފައި އޮއްވައެވެ.