ބަދަލުތަކާއެކީ ހެލިކޮޕްޓަރުގެ ޚިދުމަތްދޭން ޑިސެމްބަރުގައި ހުޅުވާލައި، އެއްް އަހަރުތެރޭ ފެށޭނެ: އަމީން
ސަން
27 އޮކްޓޯބަރު 2025 | ހޯމަ | 10:07
ހެލިކޮޕްޓަރުގެ ޚިދުމަތްދޭން ބަދަލުތަކާއެކީ ޕްރޮޕޯސަލް ހުށަހެޅުމަށް އަލުން ހުޅުވާލައި އަހަރު ދުވަހުގެތެރޭ ޚިދުމަތް ފަށަން މަސައްކަތްކުރައްވާނެ ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިއަދު ވިދާޅުވެ, އެ ޚިދުމަތް ފަށަން އާ މުއްދަތެއް ދެއްވައިފިއެވެ.
މިދިޔަ ނޮވެމްބަރު މަހުގެ 27ވަނަ ދުވަހު އަމީން ވަނީ، މިއަހަރުގެ މާޗު މަހު ރާއްޖޭގައި ހެލިކޮޕްޓަރުގެ ޚިދުމަތް ފަށާނެ ކަމަށް ވިދާޅުވެފައެވެ. ނަމަވެސް، މިނިސްޓަރު ދެއްވި ތާރީޚު ފާއިތުވެ އަހަރު ނިމެން ގާތްވިއިރު، އަދިވެސް ހެލިކޮޕްޓަރުގެ ޚިދުމަތް ނުފަށައެވެ.
ރާއްޖޭގައި ހެލިކޮޕްޓަރުގެ ޚިދުމަތް ފެށުން ލަސްވާ މައްސަލައިގައި ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) ރައްޔިތުންގެ މަޖިލީހުގެ މިއަދުގެ ޖަލްސާގައި ކުރެއްވި ސުވާލަށް ޖަވާބުދެއްވަމުން މިނިސްޓަރު ވިދާޅުވީ، ވޭތުވެދިޔަ 25 އަހަރަށް ބަލާއިރު ދުނިޔޭގައި އެންމެ ކުރިއަރާފައިވާ ސާޗް އެންޑް ރެސްކިއުއާއި މެޑިކަލް އިވެކުއޭޝަނަށް ބަލާއިރު ގިނަ ގައުމުތަކަކުން ހެލިކޮޕްޓަރު ބޭނުންކުރަމުން އަންނަ ކަމަށެވެ.