ކަސްޓަމްސް އޮފިސަރުންތަކެއްގެ ބޮޑު ޚިޔާނާތެއްގެ މައްސަލަ ތަހުގީގުކުރާތާ އަހަރެއް، ނިމޭނެ ތާރީޚެއް، ތަފްސީލެއް ނެތް!
ސަން
27 އޮކްޓޯބަރު 2025 | ހޯމަ | 10:27
ފާއިތުވެދިޔަ ހަތަރު އަހަރު ދުވަހު ކަސްޓަމްސްގެ 21 މުވައްޒަފެއްގެ އެކައުންޓުން 400 މިލިއަނެއްހާ ދިވެހި ރުފިޔާ ދައުރުކުރި މައްސަލަ ތަހުގީގުކުރާތާ އަހަރަކަށް ވުރެ ގިނަ ދުވަސްވީއިރު، އެ މައްސަލައިގެ ތަހުގީގު އަދިވެސް ނިމިފައިނުވާކަން ރައްޔިތުންގެ މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީގެ ރިޕޯޓަކުން ހާމަވެއްޖެއެވެ.
އެ ކޮމިޓީން ރޭ އާންމުކުރި ރިޕޯޓުގައި ފާހަގަކޮށްފައިވާ ގޮތުން ކަސްޓަމްސްއަށް ހުށަހެޅޭ އިންވޮއިސްތަކުގައި ހިމަނާ އަގުތައް އޮޅުވާލުމުގެ ސަބަބުން ދައުލަތަށް ލިބެންޖެހޭ އާމްދަނީ ދަށްވަމުންދާކަމާއި އެކަން ހައްލުކުރުމުގެ މަސައްކަތް އެކަށީގެންވާ ގޮތެއްގައި ކުރިއަށް ގެންގޮސްފައިނުވާކަން ފާހަގަކޮށްފައިވެއެވެ.
މި މައްސަލަ ތަހުގީގުކުރަމުން އަންނަކަން ފުލުހުން މީޑިއާތަކަށް ހާމަކުރީ މިދިޔަ އަހަރުގެ ކުރީކޮޅުގައެވެ.