ޗައިނާއާ އެކު ހެދި އެމްއޯޔޫތަކުގެ މައުލޫމާތު ހާމަކުރާނީ އެއްބަސްވުމަކަށް ދެވުމުން: ޚަލީލް
ސަން
29 އޮކްޓޯބަރު 2025 | ބުދަ | 9:34
މި އަހަރުގެ ސެޕްޓެންބަރު މަހު ޗައިނާއާ އެކު ސޮއިކުރި 11 ފަހުމުނާމާ (އެމްއޯޔޫ)އާ ގުޅޭ މައުލޫމާތު ހާމަކުރާނީ އެއްބަސްވުމަކަށް ދެވުމުން ކަމަށް ފޮރިން މިނިސްޓަރު ޑރ. އަބްދުﷲ ޚަލީލް މިއަދު ވިދާޅުވެއްޖެއެވެ.
ރާއްޖެއާއި ޗައިނާއާ ދެމެދު އެކި ދާއިރާތަކުން އެއްބާރުލުން އިތުރުކުރުމާބެހޭ 11 ފަހުމުނާމާއެއްގައި ސޮއިކުރީ ރައީސް ޑރ. މުހައްމަދު މުއިއްޒު އެ ގައުމަށް މި އަހަރު ކުރެއްވި ދަތުރުފުޅުގެ ތެރެއިން ސެޕްޓެންބަރު ދެވަނަ ދުވަހެވެ. އެކަމަކު، އެ ފަހުމުނާމާތަކާ ގުޅޭ މާ ބޮޑު ތަފުސީލެއް އޭރު ނުދެއެވެ.
ރައްޔިތުންގެ މަޖިލީހުގެ މާވަށު ދާއިރާގެ މެންބަރު އަހުމަދު ޝާކިރު ވަނީ އެ ފަހުމުނާމާތަކުގެ ކޮޕީއެއް ހޯދަން އެދިވަޑައިގެންފައެވެ.