"މީޑިއާތަކަށް ފައިސާ ދެނީ ބަލަންޖެހޭ ވަރަށް ނުބަލަ، ވިއުވަޝިޕާއި މުވައްޒަފުންގެ އަދަދަށް ބަލަންޖެހޭ"
ސަން
29 އޮކްޓޯބަރު 2025 | ބުދަ | 11:36
ދައުލަތުގެ ބަޖެޓުން ފައިސާ ލިބޭ މީޑިއާތަކުގެ ލިސްޓު އެކުލަވާލާފައިވަނީ ކުރު މުއްދަތެއްގައި ބަލަންޖެހޭ ވަރަށް ނުބަލާ ކަމަށާއި، މީޑިއާތަކަށް ފައިސާ ދޫކުރުމުގައި އެ މީޑިއާއެއްގައި މަސައްކަތްކުރާ މުވައްޒަފުންގެ އަދަދަށާއި ކުރާ މަސައްކަތަށް ބަލަންޖެހޭނެ ކަމަށް ބުނެ، ބައެއް މީޑިއާތަކުން ކަންބޮޑުވުން ފާޅުކޮށްފިއެވެ.
ހަތަރު މީޑިއާއަކުން މިއަދު ނެރުނު ބަޔާންތަކެއްގައި ބުނީ، ރާއްޖޭގައި ހިންގާ މީޑިއާތަކުގެ ތެރެއިން 18 މީޑިއާއަކަށް ދައުލަތުގެ ބަޖެޓުން 28 މިލިއަން ރުފިޔާ ދޭން ނިންމީ އެންމެ އިންސާފުވެރިކޮށް ނޫން ކަމަށެވެ.
އެގޮތުން 'ސައުވީސް އޮންލައިން' ހިންގާ 'ސްޓާކޮމް ސޮލިއުޝަންސް'އިން ނެރުނު ބަޔާނެއްގައި ބުނީ، މީޑިއާތަކަށް ފައިސާ ލިބޭ ލިސްޓުގައި ހިމެނޭ ބައެއް ނޫސްތަކުން ދުވާލަކު ފަސް ޚަބަރުވެސް ހަމަނުކުރާ ކަމަށާއި، ބައެއް ނޫސްތަކަކީ މީހުން ގިނައިން ކިޔާ ނޫސްތަކެއްވެސް ނޫން ކަމަށެވެ.