ޑުރަގުގެ މައްސަލައެއްގައި، ނޮޅިވަރަމާއި ކުޅުދުއްފުށީ ފުލުހުން ހިންގި އޮޕަރޭޝަނެއްގައި މީހަކު ހައްޔަރުކޮށްފި
ސަން
30 އޮކްޓޯބަރު 2025 | ބުރާސްފަތި | 11:44
ހދ. ނޮޅިވަރަމާއި ކުޅުދުއްފުށީ ފުލުހުން ގުޅިގެން ކުރިއަށްގެންދިޔަ އޮޕަރޭޝަނެއްގައި، ނޮޅިވަރަމަށް މަސްތުވާތަކެތި އެތެރެކުރަން އުޅުމުގެ ތުހުމަތުގައި ދިވެއްސަކު ހައްޔަރުކޮށްފިއެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ، އެ މީހާ ހައްޔަރުކުރީ ނޮޅިވަރަމަށް މަސްތުވާތަކެތި އެތެރެކުރަން އުޅުނު ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން، ނޮޅިވަރަމާއި ކުޅުދުއްފުށީގެ ފުލުހުން ގުޅިގެން ހިންގި އޮޕަރޭޝަނެއްގެ ތެރެއިން ކަމަށެވެ.
މި މައްސަލައިގައި ފުލުހުން ހައްޔަރުކުރީ ނޮޅިވަރަމަށް ނިސްބަތްވާ، އުމުރުން 48 އަހަރުގެ ދިވެހި ފިރިހެނެކެވެ.