2007އިން ފެށިގެން އުފަންވި އަދި އުފަންވާ އެންމެންނަށް ސިނގިރޭޓު މަނާވެއްޖެ
ސަން
1 ނޮވެމްބަރު 2025 | ހޮނިހިރު | 12:01
ދެހާސް ހަތްވަނަ އަހަރު އުފަންވި އަދި އެއަށްފަހު އުފަންވާ އެންމެންނަށް މިއަދުން ފެށިގެން ސިނގިރޭޓު ވިއްކުން މަނާވެ، ޖެނެރޭޝަނަލް ބޭންއަށް އަމަލުކުރަން ފަށައިފިއެވެ.
ޖެނެރޭޝަނަލް ބޭން ތަންފީޒުކުރުމަށް ޓަކައި މި ބިލު ރައީސް ޑރ. މުޙައްމަދު މުއިއްޒު ތަސްދީގުކުރެއްވީ، މިދިޔަ މޭ މަހުގެ 21ވަނަ ދުވަހެވެ.
ޖެނެރޭޝަނަލް ބޭންއަކީ، ވަކި އަހަރަކުން ނުވަތަ ތާރީޚަކުން ފެށިގެން އުފަންވެފައިވާ ކޮންމެ މީހަކީ މުޅި އުމުރަށް ވެސް ދުންފަތުން ރައްކާތެރި ކުރެވިފައިވާ ފަރާތެއްކަން ކަށަވަރު ކުރުމަށް، އެފަދަ ފަރާތްތައް ދުންފަތުގެ އެއްވެސް މުޢާމަލާތެއްގައި ބައިވެރި ނުވެވޭނެހެން ޤާނޫނީގޮތުން ކަނޑައެޅުމެވެ.