ކަށިމިޔަރުގެ މަސްވެރިކަން ކުރެވޭނީ ޑިސެމްބަރުން ފެށިގެން ޖޫންގެ ނިޔަލަށް
ސަން
1 ނޮވެމްބަރު 2025 | ހޮނިހިރު | 11:32
ކަށިމިޔަރުގެ މަސްވެރިކަން ކުރެވޭނީ މީލާދީ ކޮންމެ އަހަރެއްގެ ޑިސެމްބަރު އެއް ވަނަ ދުވަހުން ފެށިގެން ޖެހިގެން އަންނަ އަހަރުގެ ޖޫން މަހުގެ ނިޔަލަށް ކަމަށް ފިޝަރީސް މިނިސްޓްރީން މިއަދު އިއުލާންކޮށްފިއެވެ.
މިއަދު ސަރުކާރުގެ ގެޒެޓުގައި ފިޝަރީޒް މިނިސްޓްރީން ކުރި އިއުލާނެއްގައި ވަނީ ކަށިމިޔަރުގެ މަސްވެރިކަން ރާވައި ހިންގައި ބެލެހެއްޓުމާބެހޭ ގަވާއިދުގެ 20 ވަނަ މާއްދާގެ ދަށުން، އެ މިނިސްޓްރީން އެހެން ގޮތަކަށް ކަނޑައަޅައި އާންމު ކުރަންދެން، ކަށިމިޔަރުގެ މަސްވެރިކަން، ޑިސެމްބަރާއި ޖޫން މަހާ ދޭތެރެ ނޫން އެހެން މުއްދަތެއްގައި ނުކުރެވޭނެ ކަމަށެވެ.
އެ ގަވާއިދުގެ 20 ވަނަ މާއްދާގައި ވަނީ ކަށިމިޔަރުގެ މަސްވެރިކަން ކުރެވޭނީ މިނިސްޓްރީން ކަނޑައަޅާ އިއުލާންކުރާ ގޮތެއްގެ މަތީން، މީލާދީ ކޮންމެ އަހަރަކު ހަތް މަސް ދުވަހަށްވުރެ ދިގު ނޫން މުއްދަތަކަށް ކަމަށެވެ.