މާލޭ މީހުންނަށް ވެސް އެެހެން ރަށްރަށުން ބިން ލިބޭގޮތް ހެދުން ބޭނުންތެރި: ނަޝީދު
ސަން
2 ނޮވެމްބަރު 2025 | އާދިއްތަ | 7:04
މާލޭގެ މީހުންނަށްވެސް ރާއްޖޭގެ އެހެން ރަށްރަށުން ބިން ލިބޭނެގޮތް ވުން ބޭނުންތެރިކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެއެވެ.
އެމަނިކުފާނު ފޭސް ބުކްގައި ކުރެއްވި ޕޯސްޓެއްގައި މާލެ ބިމުގެ ބަހުސް ހިނގާކަން ފާހަގަ ކުރައްވަމުން ވިދާޅުވީ ޒަމާނުންސުރެ މާލެ އަކީ ވަކި ބައެއްގެ ރަށެއްނޫންކަން އެމަނިކުފާނު ލިޔުއްވި "ކިލާ މާލެ" ފޮތުގައިވެސް ބުނެފައިވާނެކަމަށެވެ.
މާލެ އަކީ ވަކިބައެއްގެ ތަނެއްނޫންކަން ތާރީޚުން ފެންނަން އޮތްކަން މިސާލު ޖައްސަވަމުން އެމަނިކުފާނު ވިދާޅުވީ 1750 ގައި މާލޭގެ ބޯހިމެނުމެއް ބޭއްވި ނަމަ ފެންނާނީ މާލޭގައި ގިނައިން ދިރިއުޅެނީ ސަރަހައްދީ ކަރަތަކުގެ މީހުންނާއި، ރާއްޖޭގެ އެކި ރަށްރަށުގެ މީހުންކަމަށެވެ. އޭރު މާލޭގައި ކޮންމެ ރަށަކަށް ހެން ގެއެއް ހުންނަކަން ފާހަގަކުރައްވާ ވިދާޅުވީ މިހާރު ކެލާގެއިން ފެށިގެން މާވެޔޮ އަތިރިޔާއި ހަމަޔަށް އެއީ ކެލާ އެދުރު ކަލޭގެފާނުގެ ގޯތި ކަމަށެވެ. އަދި އައްޑޫ ސިއްކަގެ އެއީ މިހާރު ސިއްކަ ގެއިން ފެށިގެން މާލޭ އުތުރު އަތިރިއަށްކަމަށެވެ.