އަންހެނުން ސިޔާސީ ފުރުސަތުތަކަށް ތައްޔާރުވުން މުހިންމު: ސާޖިދާ
ސަން
16 ނޮވެމްބަރު 2025 | އާދިއްތަ | 11:16
އަންހެނުން ސިޔާސީ ފުރުސަތުތަކަށް ތައްޔާރުވުމުގެ މުހިންމުކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ރޭ ވިދާޅުވެއްޖެއެވެ.
ސާޖިދާ މިގޮތަށް ވިދާޅުވީ މިދިޔަ އަހަރާއި މިއަހަރުގެ ރެހެންދި އެވޯޑް ދިނުމަށް ރޭ ބޭއްވި ހަފުލާ ޝަރަފުވެރިކޮށްދެއްވައި، ވާހަކަފުޅުދައްކަވަމުންނެވެ.
މި ހަފުލާގައި ވާހަކަދައްކަވަމުން ސާޖިދާ ވަނީ ބަދަލުވަމުން އަންނަ ގެވެށި، ފަންނީ އަދި އިޖުތިމާއީ ޒިންމާތަކަށް އިޝާރާތްކުރައްވާފައެވެ. އެކަމަނާ ވަނީ، ފަންނިއްޔާތަށް އަހުލުވެރިވުމާއި، ވިޔަފާރީގެ އާ ގޮތްތައް އީޖާދުކުރުމާއި، ސިޔާސީ ފުރުސަތުތަކަށް އަންހެނުން ތައްޔާރުވުމުގެ މުހިންމުކަން ފާހަގަކުރައްވާފައެވެ.