ސަރުކާރަށް ދެ އަހަރު: "އިގްތިޞާދު ދަނީ ރަނގަޅު މިސްރާބަކަށް، އިންވެސްޓަރުންގެ އިތުބާރު އިތުރުވެއްޖެ"
ސަން
17 ނޮވެމްބަރު 2025 | ހޯމަ | 1:51
ރައީސް ޑރ. މުހައްމަދު މުއިއްޒުގެ ސަރުކާރުން މީގެ ދެ އަހަރުކުރިން ވެރިކަމާ ހަވާލުވުމަށްފަހު، އެމަނިކުފާނުގެ މާލިމީކަމުގައި ރާއްޖޭގެ އިގްތިޞާދު ރަނގަޅު ދިމާލަކަށް ދަތުރުކުރަމުން އަންނަ ކަމަށާއި، އިންވެސްޓަރުންގެ އިތުބާރު ބޮޑުތަނުން އިތުރުވެއްޖެ ކަމަށް ވިދާޅުވެ، މި ސަރުކާރުގެ ވަޒީރުން ރައީސަށް ވަރަށް ބޮޑަށް ތައުރީފްކުރައްވައިފިއެވެ.
މީގެ ދެ އަހަރުކުރިން ނޮވެމްބަރު 17، 2023ގައި ރައީސް ޑރ. މުހައްމަދު މުއިއްޒު ވަނީ މަގާމުގެ ހުވާ ކުރައްވައިފައެވެ.
ބައެއް ވަޒީރުން މިއަދު 'އެކްސް'ގައި ކުރެއްވި ޕޯސްޓުތަކެއްގެ ތެރެއިން އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ސަރުކާރަށް ދެ އަހަރު ފުރުނުއިރު ލިބުނު އެންމެ ބޮޑު ކާމިޔާބަކީ ދިވެހިރާއްޖެ، އަސާސްތަކެއްގައި ހިފަހައްޓަމުން އަންނަ ޑިމޮކްރަސީއަކާ ދިމާލަށް މިސްރާބު ޖެހުން ކަމަށެވެ.