ސަންފްރަންޓުން މާލޭން ގަތް ދެ ބިން ހަވާލުނުކޮށް، އެ ކުންފުނިން ޚަރަދުކުރި ފައިސާ ނުދީ ހިފެހެއްޓުމުންވީ ގެއްލުމުގެ ބަދަލުގެ ގޮތުގައި އެ ކުންފުންޏަށް 20 މިލިއަން ދައްކަން ދައުލަތުން އެންގި ނަމަވެސް، ސަންފްރަންޓަށް ދޭން ޖެހޭ ބަދަލަކީ 10.78 މިލިއަން ރުފިޔާ ކަމަށް އޮޑިޓަރު ޖެނެރަލްގެ އޮފީހުން ބުނެފިއެވެ.

ސަންފްރަންޓުން 2010ގައި 26 މިލިއަން ރުފިޔާ ޚަރަދުކޮށްގެން ގަތް ދެ ބިން ހަވާލުނުކުރުމުން އެ ކުންފުންޏަށް ލިބުނު ގެއްލުމަށް ދައުލަތުން 20 މިލިއަން ރުފިޔާ ދެއްކުމަށް ސިވިލް ކޯޓުން ހުކުމްކުރީ މިދިޔަ ޖޫން މަހުގެ ދެވަނަ ދުވަހެވެ.

އެ މައްސަލައާ ގުޅޭ ގޮތުން މިއަދު ނެރުނު އޮޑިޓް ރިޕޯޓުގައި ބުނީ، ބިން ގަތުމަށް ދެއްކި ފައިސާ ސަންފްރަންޓަށް އަނބުރާ ލިބުން ލަސްވި މުއްދަތުގައި ސަންފްރަންޓަށް ލިބުނު ގެއްލުމުގެ ބަދަލު ހިސާބުކުރުމުގައި އެންމެ އިތުބާރުކުރެވޭ މިންގަނޑަކީ އެ ކުންފުނީގެ އޮޑިޓްކޮށްފައިވާ މާލީ ބަޔާންތަކުގައި ހުރި އަދަދުތައް ބޭނުންކޮށް، އެ ކުންފުނީގެ ނެޓް ޕްރޮފިޓް މާޖިން ހިސާބުކުރުމަށްފަހު، އެ ނިސްބަތުން އެ ކުންފުންޏަށް ލިބޭ ފައިދާގެ އަދަދު ކަނޑައެޅުން ކަމަށެވެ.

މައުޟޫޢުތަށް