ބޮޑު ވައްކަމެއް, ދެ މީހުން ވެސް އެދުނީ މަންމަ ޑަޔަލިސިސް ހަދަން ޖެހޭތީ މިނިވަންކޮށްދޭން
ސަން
21 ނޮވެމްބަރު 2025 | ހުކުރު | 11:09
ބޮޑު ވައްކަމެއްގެ ތުހުމަތުގައި ހައްޔަރުކޮށްފައިވާ, ށ. ފޯކައިދޫ ދެ މީހުން, އެ ދެ މީހުންގެ ވެސް މަންމަ ޑަޔަލިސިސް ހަދަން ޖެހޭތީ ބަންދުން ދޫކޮށް ދިނުމަށް ކޯޓުގައި އެދިއްޖެއެވެ.
ތިލަފުށީ ފަޅުގައި އޮތް ސްޕީޑް ލޯންޗެއް ވަގަށް ނެގި ކަމަށް ތުހުމަތު ކުރެވިގެން މިދިޔަ އޮކްޓޫބަރު މަހު, ހައްޔަރުކޮށްފައިވަނީ، ށ. ފޯކައިދޫ, ޗަނބޭލީގޭ، ހަސަން ރަޝީދު އަހްމަދު, 30, އަދި ށ. ފޯކައިދޫ، ޝިއުމާމަންޒިލް، އިބްރާހީމް މަމްދޫހް, 27, އެވެ.
އެ ދެ މީހުން ވެސް ވަނީ ކުރި ކުށަށް ތަހުގީގުގައި އިއުތިރާފް ވުމަށް ފަހު, ޕްރޮސިކިއުޓާ ޖެނެރަލްއާއެކު އިއުތިރާފްގެ އެއްބަސްވުމެއް ހެދުމަށް އެދިފައި ކަމަށް ކޯޓު އަމުރުގައިވެއެވެ.