ފުވައްމުލަކު ފުނާޑު ޗަސްބިމުގައި ރޯވި އަލިފާން ނިވާލެވުނީ ތިން ގަޑިއިރުން، ބޮޑު ގެއްލުމެއް
ސަން
30 ނޮވެމްބަރު 2025 | އާދިއްތަ | 11:26
ފުވައްމުލަކުގެ ފުނާޑު އަވަށުގެ ޗަސްބިމުގައި ރޭ ރޯވި ބޮޑު އަލިފާންގަނޑު ނިވާލެވުނީ ގާތްގަނޑަކަށް ތިން ގަޑިއިރުގެ މަސައްކަތުން ކަމަށް، އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ، އަލިފާނުގެ ހާދިސާ ހިނގިކަމުގެ މައުލޫމާތު ލިބުނީ ރޭ 10:35 ހާއިރު ކަމަށެވެ.
އެ ހާދިސާގެ މައުލޫމާތު ލިބުމާ ގުޅިގެން ފުވައްމުލަކުގެ ފަޔާ ސްޓޭޝަނުން އެ ސަރަހައްދަށް ގޮސް ކުރި މަސައްކަތުން އަލިފާން ނިވާލެވުނީ ދަންވަރު 1:25 ހާއިރު ކަމަށް، އެމްއެންޑީއެފުން ބުންޏެވެ.