ރާއްޖޭގައި 250އަށް ވުރެ ގިނަ ހާފިޒުން ތިއްބައި ތަރާވީޙް ނަމާދުކުރަން ބޭރު ހާފިޒުން ހޯދަނީ
ސަން
30 ނޮވެމްބަރު 2025 | އާދިއްތަ | 3:50
ރާއްޖޭގައި 250އަށް ވުރެ ގިނަ ހާފިޒުން ތިބިއިރު، ކުރިއަށް އޮތް ރަމަޟާން މަހު އިމާމުވެ ތަރާވީޙް ނަމާދު ކުރުމަށްޓަކައި ރާއްޖޭން ބޭރުން ހާފިޒުން ހޯދަން ބައެއް ކައުންސިލްތަކުން އިއުލާނުކޮށްފިއެވެ.
ގެޒެޓުގައިވާ ގޮތުން މިހާތަނަށް ހާފިޒުން ގެނައުމަށް ހަތް ރަށަކުން އިއުލާނުކުރިއިރު، އޭގެ ތެރެއިން ހަތަރު ރަށަކުން އިއުލާނުކޮށްފައިވަނީ ހަމައެކަނި ބޭރުން ހާފިޒުން ގެނައުމަށެވެ.
އެ އިއުލާނުތަކުގައިވާ ގޮތުން ހާފިޒުން ގެނައުމަށް ޝައުގުވެރިވާ ފަރާތްތަކުން ވަކި ތާރީޚެއްގެ ކުރިން އަގުތައް ބަޔާންކޮށް، ކައުންސިލްތަކުގެ އިދާރާތަކަށް ހުށަހަޅަން ޖެހެއެވެ.