ލޯންޗެއް ރާޅެއްގައި ޖެހި ގެއްލުންވެ، ތިން ފަތުރުވެރިންނާއި ފަޅުވެރިއަކަށް އަނިޔާތަކެއް
ސަން
30 ނޮވެމްބަރު 2025 | އާދިއްތަ | 5:13
ފަތުރުވެރިންތަކެއް ގޮވައިގެން އދ. މަހިބަދޫން މާލެ ދަތުރުކުރަމުން ދިޔަ ލޯންޗެއް ރާޅެއްގައި ޖެހި، ބިއްލޫރިގަނޑު ތަޅައިގެން ގޮސް މިއަދު ހިނގި ހާދިސާއެއްގައި ހަތަރު މީހަކަށް އަނިޔާވެއްޖެއެވެ.
ފުލުހުން މީޑިއާތަކާ ހިއްސާކުރި މައުލޫމާތުގައި ބުނީ، މި ހާދިސާގައި އެ ލޯންޗުގެ ބިދޭސީ ފަޅުވެރިޔަކަށާއި ތިން ފަތުރުވެރިޔަކަށް އަނިޔާވެފައިވާ ކަމަށެވެ.
މި ހާދިސާ ހިނގިކަމުގެ މައުލޫމާތު ލިބިފައިވަނީ ހެނދުނު 7:30 ހާއިރު ކަމަށް ފުލުހުން ބުންޏެވެ. އެ ގަޑިއަކީ އދ. އަތޮޅާއި މާލެ ސަރަހައްދު ހިމެނޭ ގޮތަށް، މެޓް އޮފީހުން ވައިޓް އެލާޓް ނެރެފައިވާ ގަޑިއެކެވެ. އެގޮތުން، ބޯކޮށް ވާރޭވެހުމާއެކު ގުގުރައި، ވިލާގަނޑުގައި 40 މޭލަށް ވައިގަދަވާނެ ކަމަށް އެ އިދާރާއިން އޮތީ ލަފާކޮށްފައެވެ.