ނިމުނު އޮކްޓޫބަރުގައި ކުޑަކުދިންނަށް އިހުމާލުވުމުގެ 34 މައްސަލަ ހުށަހަޅައިފައިވާކަމަށް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީގެ ތަފާސް ހިސާބުތަކުން ދައްކައިފިއެވެ.

އެވުޒާރާއިން މިއަދު ނެރުނު ތަފާސް ހިސާބުން ދައްކާގޮތުގައި އެ މަހު، ޢާއިލީ ތަރައްޤީއާ ބެހޭ ވުޒާރާގެ ހެލްޕްލައިންއަށް ޖުމްލަ 2105 ކޯލު ވަނީ ލިބިފައެވެ.

އެގޮތުން، އެ ވުޒާރާގެ ޗައިލްޑް ހެލްޕްލައިން 1412 އަށް ޖުމްލަ 1650 ކޯލު ވަނީ ލިބިފައެވެ. މީގެ ތެރެއިން، 36 ކޯލަކީ ކުޑަކުދިންގެ ފަރާތުން ލިބިފައިވާ ކޯލުތަކެވެ. އަދި، 1356 ކޯލު ބޮޑެތި މީހުންގެ ފަރާތުން ލިބިފައިވާއިރު، ކާކުކަން ނޭނގޭ ގޮތަށް 258 ކޯލު ލިބިފައިވާކަމަށް ވުޒާރާއިން ބުނެފައިވެއެވެ.

މައުޟޫޢުތަށް