ރިޔާސަތުން ކަންކުރީ ދެގޮތަކަށް ކަމަށް ވިދާޅުވެ އަލުން ވަގުތީ ޗެއާޕާސަނެއް އައްޔަންކުރަން މަސައްކަތް ފަށަން ޝާހިދު ލަފާދެއްވައިފި
ސަން
1 ޑިސެމްބަރު 2025 | ހޯމަ | 1:26
ރިޔާސަތުން ކަންކުރީ ދެގޮތަކަށް ކަމަށް ވިދާޅުވެ އަލުން ވަގުތީ ޗެއާޕާސަނެއް އައްޔަންކުރުމުގެ މަސައްކަތް ފަށަން އެމްޑީޕީގެ ރައީސް ޢަބްދުﷲ ޝާހިދު ޕާޓީގެ ޑެޕިއުޓީ ޗެއާޕާސަން އިބްރާހިމް ވަހީދަ (އިބްރޭ)އަށް ލަފާދެއްވައިފިއެވެ.
ޝާހިދު މިފަދައިން ލަފާދެއްވިއިރު، އެމްޑީޕީގެ ހުސްވެފައިވާ ޗެއާޕާސަންގެ މަގާމަށް ވަގުތީގޮތުން ހޮވުނު ދިއްދޫ ދާއިރާގެ ކުރީގެ މެންބަރު ޢަބްދުﷲ ވަހީދު, ވަނީ އެ މަގާމު ދޫކޮށްލަން ނިންމަވައިފައެވެ.
އެހެންވެ ޝާހިދު އިބްރޭއަށް ފޮނުއްވި ސިޓީގައި ވަނީ މިދިޔަ ހުކުރު ދުވަހު ބޭއްވި އެމްޑީޕީގެ ގައުމީ މަޖިލީހުގެ ހަތަރުވަނަ ދައުރުގެ 31 ވަނަ ބައްދަލުވުމުގައި ވަގުތީ ޗެއާޕާސަން ހޮވުމަށް ނެގި ވޯޓާއި ވޯޓުގެ ރިޕޯޓާ ގުޅޭގޮތުން އޭނާއަށް ފާހަގަވެވަޑައިގަތް ކަންތައްތައް ބަޔާންކުރައްވާފައެވެ.