ވިލިމާލޭގައި އަޅާ ޖިމުގެ އެއްބަސްވުން އޮޅުވާލައިގެން ބާތިލްކުރަން އުޅުނު ކަމަށް ބުނާ މައްސަލައެއް ހުށަހަޅައިފި
ސަން
1 ޑިސެމްބަރު 2025 | ހޯމަ | 10:36
ވިލިމާލޭގައި އައުޓްޑޯ ޖިމެއް ތަރައްގީކުރަން އެއްވެސް އެއްބަސްވުމެއް ނެތް ކަމަށް މާލޭގެ މޭޔަރު އާދަމް އާޒިމް ވިދާޅުވެ އިތުރުފުޅު ހެއްދެވި ކަމަށް ބުނާ މައްސަލައަކާއި، ބެކްޑޭޓުކޮށް އޮޅުވާލައިގެން އެ އެއްބަސްވުން ބާތިލްކުރަން އުޅުނު ކަމަށް ބުނާ މައްސަލައެއް އަންނަ ބުދަ ދުވަހު ބާއްވާ މާލެ ސިޓީ ކައުންސިލްގެ ރަސްމީ އާންމު ޖަލްސާގައި އެޖެންޑާކުރަން ހުށަހަޅައިފިއެވެ.
ވިލިމާލެ އަވަށުގެ ކައުންސިލަރު ނަހުލާ އަލީ އާޒިމަށް ފޮނުއްވި ސިޓީގައި ވަނީ، މިދިޔަ ނޮވެމްބަރު މަހުގެ 20ވަނަ ދުވަހު ގެޒެޓުކޮށްފައިވާ ކައުންސިލުން ވިލިމާލޭގައި ކުއްޔަށް ދޫކުރި ބިންތަކުގެ ލިސްޓުގައި، މެރީޖޫގޯ ނަމަކަށް ކިޔާ ކުންފުންޏަކާއެކު އެ އަވަށުގައި އައުޓްޑޯ ޖިމެއް ތަރައްގީކުރުމަށް ވެފައިވާ އެއްބަސްވުމުގެ މައުލޫމާތު ނުހިމަނާ ކަމަށެވެ.
އެކަން ހަމަ އެ މަހުގެ 26ވަނަ ދުވަހު ބޭއްވި ކައުންސިލްގެ ޖަލްސާގައި ކައުންސިލްގެ ސަމާލުކަމަށް ގެނެސްފައިވާނެކަން ނަހުލާ ފާހަގަކުރައްވާފައިވެއެވެ.