މައުލޫމާތު ދޫކުރަން ބޮޑު ޚަރަދެއް ހިނގާ، އިހުސާންގެ ޚިޔާލަކީ އާރުޓީއައިއަށް ފީއެއް ނެގުން
ސަން
2 ޑިސެމްބަރު 2025 | އަންގާރަ | 12:05
މައުލޫމާތު ހޯދުމާއި އެ ދޫކުރަން ދައުލަތުން ބޮޑު ޚަރަދެއް ކުރަންޖެހޭ ކަމަށް ވިދާޅުވެ، މައުލޫމާތު ހޯދައި ލިބިގަތުމުގެ ހައްގުގެ ދަށުން ހޯދަން އެދޭ މައުލޫމާތަށް ފީއެއް ނަގަން ހޯމްލޭންޑް ސެކިއުރިޓީ އެންޑް ޓެކްނޮލޮޖީ މިނިސްޓަރު އަލީ އިހުސާން އިއްޔެ ޚިޔާލު ދެއްވައިފިއެވެ.
ދައުލަތުގެ އިދާރާތަކުގައި ހުންނަ މައުލޫމާތު، ކޮންމެ މީހަކަށް ވެސް އެދުމުން ފޯރުކޮށްދޭންޖެހޭ ގޮތަށް ގާނޫނެއް ފާސްކުރީ ޕީޕީއެމްގެ ފުރަތަމަ ވެރިކަމުގައެވެ.
ގައުމީ ޔުނިވާސިޓީ (އެމްއެންޔޫ)ގެ ދަރިވަރުންތަކެއް އިސް ނަގައިގެން ކުރިއަށްގެންދާ 'ނޯ ކެޕް ޖަސްޓް ފެކްޓްސް' ކެމްޕޭން ލޯންޗުކޮށްދެއްވަން އެ ޔުނިވާސިޓީއަށް ވަޑައިގެން ދެއްކެވި ވާހަކައިގައި އިހުސާން ވަނީ މައުލޫމާތު ހޯދުމާއި ފޯރުކޮށްދޭން ހިނގާ ޚަރަދުގެ މައްޗަށް ގިނަ ވާހަކަތަކެއް ދައްކަވާފައެވެ. އެ ޚަރަދާ މެދު އޭނާ ވަރަށް ބޮޑަށް ކަންބޮޑުވުން ފާޅުކުރެއްވިއެވެ.