ދިހަ އަހަރު ތެރޭ ނުކުރެވުނު މަސައްކަތް ދޮޅު އަހަރުން ކޮށްފިން: އާޒިމް
ސަން
5 ޑިސެމްބަރު 2025 | ހުކުރު | 11:00
ދިހަ އަހަރު ތެރޭގައި ނުކުރެވުނު މަސައްކަތް ދޮޅު އަހަރުން ކޮށްފި ކަމަށް ވިދާޅުވެ، ދެން ވެސް މޭޔަރަށް އިންތިޚާބުކޮށްދޭން ވޯޓު ދިނުމަށް މާލޭގެ މޭޔަރު އާދަމް އާޒިމް މިރޭ އެދިވަޑައިގެންފިއެވެ.
'ދެންވެސް އާދަމް އާޒިމް' ނަމުގައި މިރޭ އޮތް ހަރުގެ ޖަލްސާގައި އާޒިމް ވިދާޅުވީ، ރައްޔިތުންނަށް ކަންކަން އޮޅުނަ ނުދޭނެ ކަމަށާއި ސާފުކޮށް އެ ވާހަކަތައް ކިޔައިދޭނެ ކަމަށެވެ.
މާލޭގެ މޭޔަރަކަށް އިންތިޚާބުވީ ފަހުން 190 މިލިއަން ރުފިޔާގެ ބަޖެޓުން ގިނަ މަސައްކަތްތަކެއް ކޮށްދީފައިވާކަން މޭޔަރު ފާހަގަކުރެއްވިއެވެ.