ހުޅުމާލޭގައި ޕާކިން އިމާރާތްތައް އެޅުމުގެ މަސައްކަތް، ގާތްގަނޑަކަށް ހަތަރު މަސް ތެރޭ ފެށޭނެ: އަމީން
ސަން
6 ޑިސެމްބަރު 2025 | ހޮނިހިރު | 3:32
ސަރުކާރުން ހުޅުމާލޭގައި އަޅާ ޕާކިން އިމާރާތްތަކުގެ އަމަލީ މަސައްކަތް ކުރިއަށް އޮތް ހަތަރު މަހެއްހާ ދުވަހުގެ ތެރޭގައި ފެށޭނެ ކަމަށް ޓްރާންސްޕޯޓު މިނިސްޓަރު މުހައްމަދު އަމީން މިއަދު ވިދާޅުވެއްޖެއެވެ.
އެ އިމާރާތްތައް އަޅަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އާ ހަވާލުކުރީ، މިދިޔަ އަހަރުގެ އޮކްޓޫބަރު ތިނެއްގައެވެ. އެ އެއްބަސްވުމުގެ ދަށުން 15 ޕާކިން އިމާރާތް އަޅާއިރު، އެ އިމާރާތްތަކުގައި 4،000 ޕާކިން ޔުނިޓު ހިމެނެއެވެ.
ހުޅުމާލޭގެ އެކި ސަރަހައްދުތަކުން ބާ އުޅަނދުތައް ނަގަން ފެށުމަށް މިއަދު ބޭއްވި ހަފުލާގައި މިނިސްޓަރު އަމީން ވިދާޅުވީ، ޕާކިން އިމާރާތްތައް ހުޅުމާލޭގައި އަޅަން ފެށުމުގެ ތައްޔާރީތައް ވަމުން އަންނަ ކަމަށެވެ.