ޕެންޝަން ފަންޑު ބޭނުންކުރެވޭ ކަންކަން އިތުރުކުރަން މަޖިލިސް ހުޅުވުމުން ހުށަހަޅާނެ: ރައީސް
ސަން
8 ޑިސެމްބަރު 2025 | ހޯމަ | 10:03
ރައްޔިތުންގެ މަޖިލީހުގެ މި ފެށޭ ދައުރުގައި ޕެންޝަން ފަންޑުން، ފައިސާ ބޭނުންކުރެވޭނެ ހާލަތްތައް އިތުރުކުރުމަށް ގާނޫނަށް އިސްލާހު ހުށަހަޅުއްވާނެ ކަމަށް ރައީސް ޑރ. މުޙައްމަދު މުއިއްޒު ރޭ ވިދާޅުވެއްޖެއެވެ.
ހެންވޭރުގެ ރައްޔިތުންނާ ބައްދަލުކުރެއްވުމަށް ރޭ އޮތް ޖަލްސާގައި، ރައްޔިތަކު ވަނީ ޕެންޝަން ފަންޑާ ގުޅޭގޮތުން ސުވާލުކޮށްފައެވެ.
އެ ސުވާލާ ގުޅިގެން ރައީސް ވިދާޅުވީ, ރައްޔިތުންގެ މަޖިލީހުގެ ދެން ފެށޭ ދައުރަށް ޕެންޝަން ފަންޑުގެ ގާނޫނަށް ބަދަލުތަކެއް ގެނައުމަށް ސަރުކާރުގެ ފަރާތުން އިސްލާހުތަކެއް ހުށަހަޅާނެ ކަމަށެވެ.