އަތޮޅު ކައުންސިލްތައް އުވާލުމާއެކު، އަތޮޅުތައް ހިންގުމުގެ ނިޒާމު މި ދަނީ ބައިގަރުނު ފަހަތަށް ކަމަށާއި، އަތޮޅު ކައުންސިލްތައް އުވާލުމަކީ ރަށު ރައްޔިތުން ރަށުގައި ބަންދުވުން ކަމަށް، ބައެއް ކައުންސިލް ރައީސުންނާއި މޭޔަރުން ސިފަކުރައްވައިފިއެވެ.

އަތޮޅު ކައުންސިލްތައް އުވާލުމާއި ކައުންސިލްތަކުގެ ދައުރުގެ ފަހު އަހަރު ކައުންސިލްތަކަށް ލިބިދޭ ބާރުތައް ހަނިކުރުން ފަދަ ބަދަލުތައް ގާނޫނުތަކަށް ގެނައުމުގެ ސަބަބުން ދިމާވާ ދަތިތަކާ ގުޅޭގޮތުން، މިއަދު ނޫސްވެރިންގެ ބައްދަލުވުމެއް ވަނީ ބާއްވައިފައެވެ. އެ ބައްދަލުވުމުގައި، މާލޭ ސިޓީގެ މޭޔަރު އާދަމް ޢާޒިމާއި ކުޅުދުއްފުށީ ސިޓީގެ މޭޔަރު މުޙައްމަދު ޢާތިފާއި ވ. ކައުންސިލްގެ ރައީސް ޝުޖާޢު ޢަލީއާއި ބ. ކިހާދޫ ކައުންސިލްގެ ރައީސް ޙުސައިން ޝާފިޢު ބައިވެރިވެވަޑައިގެންނެވިއެވެ.

އެ ބޭފުޅުން ވިދާޅުވީ، ސަރުކާރުން ގާނޫނު ބަދަލުކުރީ މާ ބޮޑު ދިރާސާއެއް ކުރުމެއް ނެތި، ރައްޔިތުންނާއި ކައުންސިލްތަކުގެ ޚިޔާލު ނުހޯދާ ކަމަށެވެ.

މައުޟޫޢުތަށް