ވޭޕް މަނާކުރި ފަހުން އަތުލި އެންމެ ބޮޑު ޝިޕްމެންޓްގެ އަގު 2.7 މިލިއަން ރުފިޔާއަށް އަރާ
ސަން
10 ޑިސެމްބަރު 2025 | ބުދަ | 4:37
މިދިޔަ އަހަރުގެ ނޮވެންބަރު މަހު، ރާއްޖެއަށް ވޭޕް އެތެރެކުރުން މަނާކުރި ފަހުން އަތުލި ވޭޕްގެ އެންމެ ބޮޑު ޝިޕްމެންޓުގެ އަގު 2.7 މިލިއަން ރުފިޔާއަށް އަރާ ކަމަށް ކަސްޓަމްސްއިން މިއަދު ބުނެފިއެވެ.
ކަސްޓަމްސްއިން މިއަދު ބުނީ، ކަނޑުގެމަގުން ރާއްޖެއަށް ގެނައި މުދާ ޝިޕްމެންޓެއްގައި، ގާނޫނާއި ގަވާއިދާ ޚިލާފު ތަކެތި ހުރެދާނެކަމަށް އެ މުއައްސަސާއަށް ފާހަގަކުރެވިގެން މިދިޔަ ބުރާސްފަތި ދުވަހު ޚާއްސަ އޮޕަރޭޝަނެއް ހިންގި ކަމަށެވެ.
އެ އޮޕަރޭޝަންގައި ބަލައިފާސްކުރި ޝިޕްމަންޓުގެ ތެރެއިން ގިނަ އަދަދެއްގެ ވޭޕް ފޮރުވާފައި ހުއްޓާ ފެނުނު ކަމަށް ކަސްޓަމްސްއިން ބުންޏެވެ. އެގޮތުން ޖުމްލަ 10،800 ވޭޕް ކާޓްރިޖް ހޯދައި، ކަސްޓަމްސްގެ ބެލުމުގެ ދަށަށް ގެންދިޔަ ކަމަށް އެ މުއައްސަސާއިން ބުންޏެވެ.