ޖަލުން އަންނަ ސްކޭމް ކޯލް ހުއްޓުވަން، އޮންލައިންކޮށް ރިޕޯޓުކުރަން އެދިއްޖެ
ސަން
11 ޑިސެމްބަރު 2025 | ބުރާސްފަތި | 3:57
ޖަލު ބަންދުގައި ތިބެ، މީހުންނަށް އޮޅުވާލައިގެން ފައިސާ އަތުލުމަށް ކުރާ ސްކޭމް ކޯލްތައް ހުއްޓުވުމަށް ޓަކައި، އެފަދަ ކޯލްތައް އޮންލައިންކޮށް ރިޕޯޓް ކުރުމަށް ހޯމް މިނިސްޓްރީން މިއަދު އެދިއްޖެއެވެ.
މިދިޔަ އަހަރުގެ ޖޫން މަހުގެ 21 ވަނަ ދުވަހު, ހޯމް މިނިސްޓަރު އަލީ އިހުސާން ވަނީ، މީހުންނަށް އޮޅުވާލައިގެން ފައިސާ އަތުލުމަށް ކުރާ ސްކޭމް ކޯލްތައް އާންމުކޮށް ގައިދީންގެ ފަރާތުން އަންނަ ކަމަށާއި އެހެންވެ، ޖަލަށް ފޯނު ފަދަ މަނާ ތަކެތި ވެއްދުން ހުއްޓުވަން ފިޔަވަޅު އަޅަމުން އަންނަ ކަމަށް ވިދާޅުވެފައެވެ.
އެ މިނިސްޓްރީން މިއަދު ނެރުނު އިއުލާނެއްގައި ވަނީ، ގައިދީން އެކި މީހުންނަށް ގުޅައި ގާނޫނާއި ގަވައިދާ ޚިލާފު އަމަލުތައް ހިންގަމުންދާކަން ފާހަގަކުރެވިފައިވާ ކަމަށެވެ.