ހުޅުމާލޭގެ ބައެއް މަގުތައް ހަދަން އެޗްޑީސީން ޗައިނާ ކުންފުންޏަކާ ހަވާލުކުރީ، 91.8 މިލިއަން ރުފިޔާއަށް
ސަން
12 ޑިސެމްބަރު 2025 | ހުކުރު | 5:48
ހުޅުމާލޭގެ ބައެއް މަގުތައް ހަދަން ޗައިނާ ކުންފުންޏަކާ ހަވާލުކުރީ، 91.8 މިލިއަން ރުފިޔާއަށް ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން މިއަދު ބުނެފިއެވެ.
މި މަހު ތިން ވަނަ ދުވަހު، އެ ކޯޕަރޭޝަނުން ވަނީ، ހުޅުމާލޭގެ ބައެއް މަގުތައް ހަދަން ޗައިނާގެ ރޮޓައިމް އިންޖިނިއަރިން އެންޑް ޓެކްނޮލޮޖީއާ ހަވާލުކޮށް، އެއްބަސްވުމެއްގައި ސޮއިކޮށްފައެވެ.
އެ އެއްބަސްވުމުގައި ސޮއިކުރެއްވީ، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އަލީ ޒުހައިރާއި ރޮޓައިމްގެ މެނޭޖިން ޑިރެކްޓަރު ޖޯވޭ ޑޮންގެވެ.