ރަށު ތަރައްގީ ލަސްވަނީ، މާ ދުރުގައި ތިބޭ ބަޔަކު ދުރުމި އަޅައިގެން ބަލާތީ، ކައުންސިލްތަކަށް ބާރު ފަހިވާންޖެހޭ: ފައިސަލް
ސަން
12 ޑިސެމްބަރު 2025 | ހުކުރު | 11:58
ރަށްރަށުގެ ތަރައްގީ އެކަށީގެންވާ ދުވެލީގައި ނުދަނީ، މާ ދުރުގައި ދިރިއުޅޭ ބަޔަކު އެ ރަށްރަށުގެ ތަރައްގީ މާ ހަނި ގޮތެއްގައި ބަލާތީ ކަމަށް ކުރީގެ ނައިބު ރައީސް ފައިސަލް ނަސީމް މިރޭ ވިދާޅުވެއްޖެއެވެ.
ލާމަސީލުލާމު ރަށު ކައުންސިލްތަކާއި، އަންހެނުންގެ ތަރައްޤީއަށް މަސައްކަތް ކުރާ ކޮމިޓީތައް މިންކުރުމުގެ ހަފްލާ 2025 ޝަރަފުވެރިކޮށްދެއްވައި، ފައިސަލް ވިދާޅުވީ ރާއްޖޭގެ ރަށްތައް، ތަރައްގީވާންޖެހޭ ބާރު ދުވެލީގައި ތަރައްގީނުވެ އޮތީ، އެ ރަށްރަށާ މާ ދުރުގައި ތިބޭ ބަޔަކު "ދުރުމީ އަޅައިގެން ވަރަށް ހަނި ގޮތަކަށް" ކަންކަން ކުރަން އުޅޭތީ ކަމަށެވެ.
ނަމަވެސް ކައުންސިލްތަކާއެކު އެ ކަން ބަދަލުވާން ފަހިވެފައިވާކަމަށް ވިދާޅުވިއެވެ. އަދި އެ ކަމަށް މަގުފަހިކުރުމަށް ޓަކައި ގާނޫނު އަސާސީ އިސްލާހުކުރީ ލާމަރުކަޒީ ނިޒާމަަށް ކަންތައްތަކެއް ފަހިކުރުމުގެ ވަރަށް ފޮނި އުންމީދާއެކު ކަމަށް ވިދާޅުވިއެވެ.