ތިން ބޭހަކުން ނުރައްކާ މިންވަރަށް ކެމިކަލް ފެނިގެން ސަމާލުވާން އެދެފި
ސަން
14 ޑިސެމްބަރު 2025 | އާދިއްތަ | 12:11
ތައިލޭންޑުގައި އުފައްދާ އެއް ބޭހަކާއި އިންޑިއާގައި އުފައްދާ ދެ ބޭހަކުން ނުރައްކާތެރި މިންވަރަށް ކެމިކަލް ހުރިކަމަށް ފާހަގަވެފައިވާތީ ސަމާލުވުމަށް ދިވެހިރާއްޖޭގެ ކާބޯތަކެއްޗާ ބޭހާ ބެހޭ އިދާރާ (އެމްއެފްޑީއޭ)އިން ބުނެފިއެވެ.
އެމްއެފްޑީއޭއިން މިދިޔަ ބުރާސްފަތި ދުވަހު ނެރުނު އިއުލާނެއްގައި ވަނީ، ދިވެހީން ވެސް ބޭނުންކޮށްފާނެ ކަމަށް ބެލެވޭ ބައެއް ބޭސްތަކުގައި ނުރައްކާތެރި ކެމިކަލެއް ކަމަށްވާ އެން-ނައިޓްރޯސޯޑިމެތައިލަމިން (އެންޑީއެމްއޭ) ހުންނަންޖެހޭ މިންގަނޑަށް ވުރެ އިތުރަށް ހުރި ކަމަށް، ދެކުނު އިރުމަތީ އޭޝިއާގެ ރީޖަން ނެޓްވޯކް (ސެއާން) އިން އަންގާފައިވާ ކަމަށެވެ.
އެންޑީއެމްއޭ ހުންނަން ޖެހޭ މިންގަނޑަށް ވުރެ އިތުރަށް ހުރި ކަމަށް ތިން ބޭހެއް އެގޮތުން ފާހަގަވެފައިވާ ކަމަށް އެމްއެފްޑީއޭއިން ބުންޏެވެ.