އެންމެ ބޮޑު ގެއްލުމުގައި ހިންގާ އާރުޑީސީން، ކުންފުންޏަކަށް 7 މިލިއަން ރުފިޔާ ދައްކަން އަމުރެއް
ސަން
15 ޑިސެމްބަރު 2025 | ހޯމަ | 6:49
ސަރުކާރު ހިއްސާވާ ކުންފުނިތަކުގެ ތެރެއިން، އެންމެ ބޮޑު ގެއްލުމެއްގައި ހިންގާ ރޯޑް ޑިވެލޮޕްމެންޓް ކޯޕަރޭޝަން ލިމިޓެޑް (އާރުޑީސީ)ން ދިވެހި ކުންފުންޏަކަށް ތިން މަސް ތެރޭ ހަތް މިލިއަން ރުފިޔާ ދައްކަން ސިވިލް ކޯޓުން މިއަދު އަމުރުކޮށްފިއެވެ.
ސިވިލް ކޯޓުގެ ގާޒީ ފައިސަލް އާދަމް މިއަދު ކުރެއްވި އަމުރަކީ، ކާޓިއުންސް އިންޓަނޭޝަލް ޕްރައިވެޓް ލިމިޓެޑުން އާރުޑީސީއަށް ފޯރުކޮށްދީފައިވާ ޚިދުމަތްތަކެއްގެ އަގަށްވާ، 7.11 މިލިއަން ރުފިޔާއާ ގުޅޭ އަމުރެކެވެ. އާރުޑީސީން ހޯދައިފައިވަނީ ކޮން ޚިދުމަތެއް ކަމެއް ސާފު ނުވި ނަމަވެސް، އެ ފައިސާއަކީ އާރުޑީސީން ދައްކަން ޖެހޭ ފައިސާ ކަމަށް އެ ކުންފުނިންވަނީ ޝަރިއަތުގައި އެއްބަސްވެފައެވެ.
އާރުޑީސީން ޝަރިއަތުގައި ބުނެފައިވަނީ އެ ފައިސާ ދެއްކިފައި ނުވަނީ، އެ ކުންފުނީގެ މާލީ ތަނަވަސްކަން ހުރި ގޮތުން ކަމަށެވެ.