ކަރޯކޭ ޖައްސާ ބައެއް ތަންތަން އާންމު އުނދަގުލަކަށްވެ، ހައްލެއް ހޯދައިދިނުމަށް އެދި އަނެއްކާ ވެސް ސައީދަށް އާދޭހުގެ ސިޓީއެއް
ސަން
17 ޑިސެމްބަރު 2025 | ބުދަ | 4:52
ކަރޯކޭގެ ޚިދުމަތްދޭ ބައެއް ތަންތަނުގެ އަޑު ގަދަވުމުގެ ސަބަބުން ބައެއް އާންމުންނަށް އުނދަގޫވާ މައްސަލަ ހައްލުކޮށްދިނުމަށް އެދި އިކޮނޮމިކް މިނިސްޓަރު މުޙައްމަދު ސަޢީދަށް ސިޓީ ފޮނުވުމުން ޖަވާބެއް ނުލިބޭތީ، އަނެއްކާވެސް އެ ކަންބޮޑުވުން މިއަދު މިނިސްޓަރަށް ހުށަހަޅައިފިއެވެ.
މި މައްސަލައިގައި ސަޢީދަށް ފޮނުއްވި ސިޓީތައް ހިއްސާކުރައްވައި، ގަލޮޅު އުތުރު ދާއިރާގެ އެމްޑީޕީ މެންބަރު މުޙައްމަދު އިބްރާހީމް (ކުޑޫ) ވަނީ، އާންމުންގެ މީހަކު އޭނާއާ ހިއްސާކުރި ނޯޓެއްގެ ފޮޓޮއެއްވެސް 'އެކްސް'ގައި މިއަދު ހިއްސާކުރައްވައިފައެވެ.
އެ ނޯޓުގައި ވަނީ، އެ ލިޔުނު މީހާއާއި އޭނާގެ ކޮއްކޮއާއި ކޮއްކޮގެ ދެ ދަރިން ދިރިއުޅެމުން އަންނަ ގެއާ ޖެހިގެން ހުންނަ ގޭގައި ވިޔަފާރި އުސޫލުން ކަރޯކޭ ޖައްސާތީ، ކޮއްކޮގެ ދެ ދަރިންނަށް ހަމަ ނިދި ނުލިބޭ ކަމަށެވެ.