ޖަލުން ކުރާ ސްކޭމް ކޯލްތައް 80 ޕަސެންޓު މަދުކޮށްފިން: ޖަލު ކޮމިޝަނަރު
ސަން
18 ޑިސެމްބަރު 2025 | ބުރާސްފަތި | 2:01
ޖަލުތަކުން ކުރާ ސްކޭމް ކޯލްތައް 80 ވަރަކަށް ޕަސެންޓު މަދުކުރެވިފައިވާ ކަމަށް ކޮމިޝަނާ އޮފް ޕްރިޒަންސް ޙަސަން ޒަރީރު މިއަދު ވިދާޅުވެއްޖެއެވެ.
ޖަލުން ސްކޭމް ކޯލްތައް ކުރާކަމުގެ ތުހުމަތު ވަރަށް ބޮޑެވެ. ވަރަށް ފަހުން، އެފަދަ ކޯލްތައް ރިޕޯޓު ކުރެވޭނެ ނިޒާމެއް ގާއިމުކޮށް، ޖަލުތަކުން ކުރާ ކޯލެއް ކަމަށް ޝައްކުކުރެވޭނަމަ ރިޕޯޓުކުރުމަށް ވަނީ އެދިފައެވެ.
ހޯމް މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ޒަރީރު ވިދާޅުވީ، ޒަމާނީ ސެކިއުރިޓީ ވަސީލަތްތައް ޖަލުތަކުގައި ގާއިމުކުރެވިފައި ނެތް ކަމަށެވެ. އެ ގޮތުން، ސެކިއުރިޓީ ކަންކަމަށް ޖަލުތަކުގައި ހުރީ ވަރަށް އާދައިގެ ޑިޓެކްޓާތަކެއް ކަމަށް އޭނާ ވިދާޅުވިއެވެ.