ކުޑަ ކުދިން ކުށުގެ ވެށިން ކަންބޮޑުވާ ވަރަށް ފެނޭ، ކުށް ކުރުމުގެ ބިރުބޮޑު: ނަވީން
ސަން
18 ޑިސެމްބަރު 2025 | ބުރާސްފަތި | 1:57
އަށާރަ އަހަރު ނުފުރޭ ފުރާވަރުގެ ކުދިން ކުށްތައް އެންމެ ގިނައިން ކުރާ ކަމަށް މަޝްހޫރު "ހޮޓްސްޕޮޓު"ތަކުން ފެންނަ ކަމަށް ކޮމިޝަނާ އޮފް ޕޮލިސް އިސްމާއިލް ނަވީން މިއަދު ވިދާޅުވެއްޖެއެވެ.
ހޯމް މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ނަވީން ވިދާޅުވީ، މަގުމަތި ޕެޓްރޯލް ކުރަމުންދާއިރު، ކުޑަކުދިންގެ ކަންކަން ވަރަށް ކަންބޮޑުވާ ހިސާބަށް ގޮސްފައިވާކަން ފާހަގަކުރެވިފައިވާ ކަމަށެވެ.
ނަވީން ވިދާޅުވި ގޮތުގައި، ކުށުގެ މާހައުލުގައި އުޅޭ މީހުންނަށް ވުރެ މިހާރު ގިނައިން ފެންނަނީ ކުޑަކުދިންގެ އައު މޫނުތަކެވެ. އެ ކަން ގޮސްފައި އޮތް ހިސާބު ވެސް ނަވީން އިތުރަށް ތަފްސީލުކޮށްދެއްވިއެވެ.