ދިވެހި މީހާ ބަދަލުވަނީ މުވައްޒަފަށް: "ބިދޭސީއަކު ހައްޔަރުކޮށްފިއްޔާ ދިވެހި ހައެއްކަ ލޯޔަރުން ހިލޭ ސާބަހަށް އާދޭ"
ސަން
18 ޑިސެމްބަރު 2025 | ބުރާސްފަތި | 2:53
ދިވެހިރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ އޮތީ ވަރަށް 'ސީރިއަސް' ހާލަތެއްގައި ކަމަށާއި ދިވެހީން ވަޒީފާއަށް ގެންނަ ބިދޭސީން އުޅެނީ ވިޔަފާރިކޮށްގެން، ދިވެހި މީހާ މުވައްޒަފަކަށް ހަދައިގެން ކަމަށް އިމިގްރޭޝަންސްގެ ކޮންޓްރޯލަރު އަހުމަދު ފަސީހް މިއަދު ވިދާޅުވެއްޖެއެވެ.
ގަވާއިދާ ޚިލާފަށް އުޅޭ ބިދޭސީންގެ މައްސަލައަކީ 'ބޮއްސުންލާފައި' އޮތް ކަމެކެވެ.
އެ މައްސަލަ ހައްލުކުރަން ކުރަމުން އަންނަ މަސައްކަތްތައް ހިއްސާކުރައްވަމުން ކޮންޓްރޯލަރު ފަސީހް ވިދާޅުވީ، ވަރަށް ގިނަ ދިވެހީން ވަޒީފާއަށް ބޭރު މީހުން ގެނައުމަށް ފަހު، އެ ބިދޭސީ މީހާ ބޭނުން މަސައްކަތެއް ކުރަން އެ މީހާ ދޫކޮށްލާ ކަމަށެވެ. އެއަށް ފަހު ދިވެހި މީހާ ބަދަލުވަނީ މަހަކު 20،000 އެއްހާ ރުފިޔާގެ މުސާރައެއް ލިބޭ 'މުވައްޒަފަކަށް' ކަމަށް އޭނާ ވިދާޅުވިއެވެ.