ޝިފާޢުގެ ހުކުމާ ގުޅިގެން ޢުމަރު: "އުމުރަށް ޖަލަށްލުމަކީ ބުރައެއް، ހައްލަކީ ޝަރީޢާގައިވާ އަދަބުދިނުން"
ސަން
18 ޑިސެމްބަރު 2025 | ބުރާސްފަތި | 9:25
މަކަރާއި ހީލަތުގެ ކުށް ކުރާ މީހުންނަށް އިސްލާމީ ޝަރީއަތުގައި އޮންނަ އަދަބު ދޭން ޖެހޭ ކަމަށާއި، ބޮޑެތި ކުށްކުށުގައި ގިނަ ދުވަހު މީހުން ޖަލުގައި ބައިތިއްބައި ބެލެހެއްޓުމަކީ ދައުލަތަށް ބުރަ ބޮޑު މަސައްކަތަކަށް ވާނެ ކަމަށް، ކުރީގެ ހޯމް މިނިސްޓަރު ޢުމަރު ނަސީރު ވިދާޅުވެއްޖެއެވެ.
ޢުމަރު މިހެން ވިދާޅުވީ، ވަގު ޓެލެގްރަފިކް ޓްރާންސްފާ (ޓީޓީ) ފޮނުވައި، ބޭރުގެ ކުންފުނިތަކުން ވިޔަފާރިކުރި މައްސަލައިގައި ދައުވާތައް ސާބިތުވާ ކަމަށް ކަނޑައަޅައި، ޙުސައިން ޝިފާޢު 109 އަހަރަށް ޖަލަށް ލައި ހަތް މިލިއަން ރުފިޔާއިން ޖޫރިމަނާކުރުމަށް ކްރިމިނަލް ކޯޓުން މިއަދު އިއްވި ހުކުމާ ގުޅިގެންނެވެ.
'ސަން'ގެ ޚަބަރުގެ ސްކްރީންޝޮޓެއް 'އެކްސް'ގައި ހިއްސާކުރައްވައި ޢުމަރު ވަނީ، ދައުލަތުން މުޅި އުމުރަށް ޝިފާޢުގެ ހުރިހާ ކަމެއް ބަލަހައްޓަންވީތޯ ސުވާލު އުފައްދަވައިފައެވެ.