ބެއާއެއްގެ ތެރެއިން ޑުރަގު ފެނި، ވަންދޫން ފުލުހަކު ހައްޔަރުކޮށްފި
ސަން
21 ޑިސެމްބަރު 2025 | އާދިއްތަ | 2:22
ތ. ވަންދުއަށް މަސްތުވާތަކެތި އެތެރެކުރަން އުޅުނު ޒުވާން ފުލުހަކު ހައްޔަރުކޮށް، މައްސަލަ ބަލައި ނިމެންދެން އޭނާ ވަޒީފާއިން ސަސްޕެންޑުކޮށްފިއެވެ.
މީޑިއާއާ ހިއްސާކުރި މައުލޫމާތުގައި ފުލުހުން ބުނީ، ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ފުލުހަކު ހައްޔަރުކުރީ މިއަދު ހިނގި އޮޕަރޭޝަނެއްގައި ކަމަށެވެ. މި މައްސަލައިގައި ފުލުހުން ހައްޔަރުކުރީ އުމުރުން 25 އަހަރުގެ ދިލާސާގެ / ތ. ހިރިލަންދޫ، މުޙައްމަދު ނަވާޒެވެ.
އޭނާ ހައްޔަރުކުރީ މިއަދު ހެނދުނުގެ ވަގުތެއްގައި ވަންދޫގެ ބަނދަރު މަތިން ކަމަށް ފުލުހުން ބުންޏެވެ.