ގައުމީ ވޮލީ ޓީމުގެ ކުރީގެ ކުޅުންތެރިޔާ އާދިލް، ކެންސަރު ބަލީގައި ނިޔާވެއްޖެ
ސަން
21 ޑިސެމްބަރު 2025 | އާދިއްތަ | 8:48
ދިވެހި ގައުމީ ވޮލީ ޓީމުގެ ކުރީގެ ކުޅުންތެރިޔާ އިބްރާހިމް އާދިލް (ކޮއްކޮ) ކެންސަރު ބަލީގައި މިއަދު ނިޔާވެއްޖެއެވެ.
ކެންސަރު ބައްޔަށް ފަރުވާ ކުރަމުން ދަނިކޮށް، އާދިލް ނިޔާވީ، 48 އަހަރުގައެވެ.
ވޮލީބޯޅަ އެސޯސިއޭޝަނުން ތައުޒިޔާ ކިޔައި ކުރި ޕޯސްޓުގައި ބުނީ، އާދިލްގެ ލީޑަޝިފާއި އެ ކުޅިވަރަށް ހުރި ލޯބީގެ ސަބަބުން ކުރި މަސައްކަތްތައް ފާހަގަކުރެވެނީ، ރާއްޖޭގައި ވޮލީގެ ބިންގާ އެޅުމަށް މަގުފަހިކުރި މަސައްކަތްތަކެއްގެ ގޮތުގައި ކަމަށެވެ.