ގާޒީކަމުން ފާއިޒް ވަކިކުރަން ޖެހުނު މައްސަލައިގައި ހިމެނޭ، އަންވަރުގެ މައްސަލަ ބަލައިގަންނަށް އަމުރުކޮށްފި
ސަން
23 ޑިސެމްބަރު 2025 | އަންގާރަ | 9:59
ކްރިމިނަލް ކޯޓުން މި ފަހުން ވަކިކުރި ގާޒީ ހުސައިން ފާއިޒް ރަޝާދު މަގާމުން ވަކިކުރި ސަބަބުތަކުގެ ތެރޭގައި ހިމެނޭ، މަސްތުވާތަކެތީގެ ބޮޑެއް ކަމަށް ތުހުމަތުކުރެވޭ އަލީ އަންވަރު މުހައްމަދު ދޫކުރި މައްސަލަ ބަލައިގަންނަން ހައިކޯޓުގެ ފަނޑިޔާރުންގެ ބެންޗުން އަމުރުކޮށްފިއެވެ.
އަލީ އަންވަރު މުހައްމަދުގެ މައްސަލަ ބަލައިގަންނަށް ހައިކޯޓުން އަމުރުކުރީ، އޭނާ ބަންދުން ދޫކޮށްލަން ކްރިމިނަލް ކޯޓުން ނިންމި ނިންމުން، ދައުލަތުން ހައިކޯޓުގައި ދެވަނަ ފަހަރަށް އިސްތިއުނާފުކުރުމުންނެވެ.
އެ މައްސަލަ ފުރަތަމަ އިސްތިއުނާފުކުރުމުން، ހައިކޯޓަށް ބަލައި ނުގަންނަން ހައިކޯޓުގެ އެސިސްޓެންޓް ރެޖިސްޓްރާ ސަހުނާ އަބްދުއްސަމަދު ނިންމައި، މައްސަލަ އެ ކޯޓުން ބޭރުކޮށްލިއެވެ. ނަމަވެސް, ދައުލަތުން ސަހުނާގެ ނިންމުން ރިވިއުކުރަން ހުށަހެޅީއެވެ.