އިމްޕޯޓު ޑިއުޓީ ވަރަށް ބޮޑަށް ދަށްވުމުން ލިބުނު މާލީ ގެއްލުމަށް ވުރެ، ސަރުކާރުން ސިނގިރޭޓުގެ އަގަށް ގެނައި ބަދަލުގެ ސަބަބުން ލިބޭ ސިއްހީ ފައިދާތައް ބޮޑުކަމަށް އިކޮނަމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެއެވެ.

ސިނގިރޭޓު އަގުބޮޑުވުމާ އެކު އިމްޕޯޓު ޑިއުޓީގެ އާމްދަނީ ވަނީ ވަރަށް ބޮޑަށް ދަށްވެފައެވެ.

މި އަހަރު އިމްޕޯޓު ޑިއުޓީގެ ގޮތުގައި 4.6 ބިލިއަން ރުފިޔާ ލިބޭނެ ކަމަށް ހިސާބު ޖެހި ނަމަވެސް މި މަހުގެ 11 ވަނަ ދުވަހާ ހަމައަށް ފިނޭންސް މިނިސްޓްރީން އާންމުކޮށްފައިވާ ހިސާބުތަކުން އެނގޭ ގޮތުގައި ލިބުނީ 2.9 ބިލިއަން ރުފިޔާއެވެ. އެހެންވެ، އެއީ އަންދާޒާކުރި އަދަދަށްވުރެ 1.7 ބިލިއަން ރުފިޔާ ދަށް އަދަދެކެވެ. އަދި، އެއީ މިދިޔަ އަހަރުގެ އެ މުއްދަތާ ބަލާއިރު ވެސް 426 މިލިއަން ރުފިޔާ ދަށް އަދަދެކެވެ.

މައުޟޫޢުތަށް