އެކި ސަރުކާރުތަކުގެ ސިޔާސަތުތައް އެކުލަވާލާގޮތުން އިންވެސްޓަރުންނަށް އިތުބާރެއް ޔަގީންކަމެއް ނެތް ކަމަށާއި، އިންވެސްޓަރުން ކުރާ އިންވެސްޓްމެންޓްތަކުގެ މުސްތަގުބަލެއް ނޭނގޭ ކަމަށް ވިދާޅުވެ، އިންވެސްޓަރުންނަށް ރާއްޖޭގައި އިންވެސްޓްކުރުމަށް ފަހި ފުރުސަތުތަކެއް އޮތް ކަމާމެދު ކުރީގެ ރައީސް ޢަބްދުالله ޔާމީން ސުވާލު އުފައްދަވައިފިއެވެ.

ސިލްސިލާކޮށް އެމަނިކުފާނުގެ ޕާޓީ ޕީއެންއެފުން ބާއްވާ ޖަލްސާތަކުގެ ތެރެއިން މިރޭ ބޭއްވި ޖަލްސާގައި ޔާމީން އެ ކަން ފާހަގަކުރެއްވީ ހުޅުމާލޭ މިސާލަކަށް ނަންގަވައެވެ. ޔާމީން ވިދާޅުވީ، ކުރީގެ ރައީސް މައުމޫން ޢަބްދުލްޤައްޔޫމްގެ ސަރުކާރުގައި ހުޅުމާލެ ތަރައްގީކުރަން ޕްލޭންކުރި ފަރާތްތަކުން ވިސްނީ ހުޅުމާލެ ރީތި ތަނެއްގެ ގޮތުގައި ބާއްވަން ކަމަށެވެ.

ހުޅުމާލެ ހިއްކީ ބޯހިޔާވަހިކަމުގެ މައްސަލަ ހައްލުކުުރުމަށް ކަމަށް، ޔާމީން ވިދާޅުވިއެވެ. ނަމަވެސް ބޯހިޔާވަހިކަމުގެ މައްސަލަ ހައްލުކުރުމަށް އޭރުގެ ވެރިން ބޭނުން ނުވިކަމަށާއި، ބޭނުންވީ އެ ވެރިން ބޭނުން ގޮތަށް ހުޅުމާލެ ފަރުމާކުރުމަށް ކަމަށް އެމަނިކުފާނު ވިދާޅުވިއެވެ.

މައުޟޫޢުތަށް