މާލޭގެ ގެއެއް ކުއްޔަށް ނަގައިގެން، ބަނގުރާ ކައްކައިގެން ވިއްކަމުން ދިޔަ ދެ ބިދޭސީން ހައްޔަރުކޮށްފި
ސަން
27 ޑިސެމްބަރު 2025 | ހޮނިހިރު | 3:35
އާ އަހަރު ފެށުމާ ގުޅުވައި ފުލުހުން މާލޭގައި ކުރިއަށް ގެންދާ ޚާއްސަ އޮޕަރޭޝަން "ރިވެލި"ގެ ތެރެއިން, މާލޭގެ ގެއެއްގައި ބަނގުރާ ކައްކައި، ވިއްކަމުންދިޔަ ދެ ބިދޭސީން ހައްޔަރުކޮށްފިއެވެ.
ފުލުހުން ބުނީ "ރިވެލި"ގެ ދަށުން ކައުންޓާ ނާކޮޓިކްސް އިންޓެލިޖެންސްއާއި ޑްރަގް އެންފޯސްމަންޓް ގުޅިގެން ހިންގި އޮޕަރޭޝަނެއްގައި މާލޭގައި ބަނގުރާ ކައްކައި، ބޭނުންކޮށް އެތަކެތީގެ ވިޔަފާރި ކުރަމުންދިޔަ ތަނެއް ބަލައި ފާސްކޮށް ދެ ބިދޭސީން ހައްޔަރުކޮށްފައިވާ ކަމަށެވެ.
އެ މައްސަލައިގައި ހައްޔަރުކޮށްފައިވަނީ އިންޑިއާގެ ދެ ރައްޔިތުން ކަމަށްވާ މޮހަންދާސް ރަޖެންދިރަން (22އ) އާއި ބަލަސުބްރަމަނިޔަން ސެލަމް (41އ) ކަމަށް ފުލުހުން ބުންޏެވެ.