ނ. އަތޮޅުގައި ތަރައްގީކުރާ ޓައުންޝިޕު، އިގުތިޞާދު އިތުރު ހަރުފަތަކަށް ގެންދަން ބޮޑު ދައުރެއް އަދާކުރާނެ: ސަޢީދު
ސަން
31 ޑިސެމްބަރު 2025 | ބުދަ | 1:34
"އައިލާ ސަސްޓެއިނެބަލް ޓައުންޝިޕް"ގެ ނަމުގައި ނ. އަތޮޅުގައި ތަރައްގީކުރާ ދެމެހެއްޓެނިވި ޓައުންޝިޕް ރާއްޖޭގެ އިގުތިޞާދު އިތުރު ހަރުފަތަކަށް ގެންދިއުމަށް މުހިންމު ދައުރެއް އަދާކުރާނެ ކަމަށް، އިކޮނޮމިކް މިނިސްޓަރު މުޙައްމަދު ސަޢީދު މިއަދު ވިދާޅުވެއްޖެއެވެ.
ނ. އަތޮޅުގައި ދެމެހެއްޓެނިވި ޓައުންޝިޕު ތަރައްގީކުރަން 790 މިލިއަން ޑޮލަރު ނުވަތަ 12 ބިލިއަން ރުފިޔާގެ އިންވެސްޓުމަންޓުގެ އެއްބަސްވުމުގައި ސޮއިކުރީ މިއަދެވެ.
އެއްބަސްވުމުގައި ސޮއިކުރެއްވުމުގެ ކުރިން ސަޢީދު ވިދާޅުވީ، ރާއްޖޭގެ އިގުތިޞާދު ކުރިއަރުވަން މި ސަރުކާރު، ވަކިން ޚާއްސަކޮށް ރައީސް ޑރ. މުޙައްމަދު މުޢިއްޒު ދުރުވިސްނުންފުޅެއް ގެންގުޅުއްވާ ކަމަށެވެ.