ރާއްޖޭގެ ހުރިހާ އެއާޕޯޓެއްގައި މިހާރު ނައިޓް ލޭންޑިން ފެސިލިޓީ ގާއިމުވެއްޖެ ކަމަށާއި، މިއީ ރާއްޖޭގެ އޭވިއޭޝަން ދާއިރާއަށް ވަރަށް ޚާއްސަ ދުވަހެއް ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިރޭ ވިދާޅުވެއްޖެއެވެ.

އެއާޕޯޓް ނައިޓް ލޭންޑިން ފެސިލިޓީއަކީ މަތިންދާބޯޓުތައް ރައްކާތެރިކަމާއެކު ރޭގަނޑުގެ ވަގުތުތަކުގައި ޖައްސަން ފަސޭހަ އިންފްރާސްޓްރަކްޗާއެކެވެ. އެގޮތުން މި އިންފްރާސްތްރަކްޗާގައި އެއިރޮނޯޓިކަލް ގްރައުންޑް ލައިޓިން (އޭޖީއެލް) ސިސްޓަމް، ނެވިގޭޝަނަލް އެއިޑްސް އަދި ރޮޓޭޓިން ބީކަންސް ފަދަ މުހިންމު އެލެމެންޓްސް ބޭނުންވެއެވެ.

'އެކްސް'ގައި ކުރެއްވި ޕޯސްޓެއްގައި މިނިސްޓަރު އަމީން ވިދާޅުވީ މިރެއިން ފެށިގެން ރާއްޖޭގެ ހުރިހާ އެއާޕޯޓެއްގައި ނައިޓް ލޭންޑިން ފެސިލިޓީ ގާއިމްކޮށްފައިވާ ކަމަށެވެ. އެގޮތުން ފުނަދޫ އެއާޕޯޓަކީ އެ ޚިދުމަތް ގާއިމުކުރި އެންމެ ފަހު އެއާޕޯޓު ކަމަށް އަމީން ވިދާޅުވިއެވެ.

މައުޟޫޢުތަށް