ޚުތުބާގެ މައުޟޫ އަމިއްލައަށް ކަނޑައަޅައި، ކިޔުމުން ދީނީ ހަމަނުޖެހުން އުފެދޭނެ: ޝަހީމް
ސަން
2 ޖެނުއަރީ 2026 | ހުކުރު | 9:19
ޚުތުބާގެ މައުޟޫ އަމިއްލައަށް ކަނޑައަޅައި، ކިޔުމުން ދީނީ ހަމަނުޖެހުން އުފެދޭނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވިދާޅުވެއްޖެއެވެ.
ޚުތުބާގެ މައުޟޫތަކަށް ޚިޔާލު އިސްލާމިކް މިނިސްޓްރީން ވަނީ ހުޅުވާލާފައެވެ. އެކަމާ ގުޅިގެން ކުރީގެ އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީ ވިދާޅުވީ، ހުރިހާ މިސްކިތެއްގައި އެއް ޚުތުބާއެއް ކިޔާކަށް ނުޖެހޭ ކަމަށެވެ. އަދި، އެ މީހަކަށް ފެންނަ، އެއިރެއްގެ ހާލަތާ ގުޅޭ މައުޟޫއެއް އިޚުތިޔާރުކުރުމުގެ މިނިވަންކަން އޮންނަންޖެހޭ ކަމަށް ވިދާޅުވިއެވެ.
އެކަމާ ގުޅިގެން 'ސަން'އިން ލިޔުނު ޚަބަރާއެކު، މިނިސްޓަރު ކުރެއްވި ޕޯސްޓެއްގައި ވިދާޅުވީ، ޑރ. އަބްދުﷲ ދީދީއަށް ވަރަށް އިހުތިރާމު ކުރައްވާކަމަށެވެ. ނަމަވެސް އޭނާ ގެންގުޅުއްވަނީ ރަނގަޅު ވިސްނުންފުޅެއް ނޫން ކަމަށެވެ.